Александр Блессин “Женоа” бош мураббийи лавозимини тарк этди, дея хабар бермоқда клуб матбуот хизмати расмий сайтида.

40 ёшли италиялик собиқ ҳужумчи Альберто Жилардино клубга вақтинчалик бош мураббий этиб тайинланди.

Блессин шу йилнинг январидан ойидан бери “Женоа”ни бошқариб келаётган эди. Аввалроқ у “Лейпциг” ва Бельгиянинг “Остенд” клубларида ишлаган.

Италия Б сериясининг 15-туридан сўнг “Женоа” 23 очко билан турнир жадвалида 5-ўринни эгаллаб турибди. Генуя шаҳри жамоаси пешқадам "Фрозиноне"дан 8 очко ортда қолмоқда.

Эслатиб ўтамиз, бу клуб шарафини ҳамюртимиз Элдор Шомуродов 2020/21 йилги мавсумда ҳимоя қилган ва 32 та ўйинда 8 та гол уриб, 2 та голли узатма амалга оширган.