Aleksandr Blessin “Jenoa” bosh murabbiyi lavozimini tark etdi, deya xabar bermoqda klub matbuot xizmati rasmiy saytida.

40 yoshli italiyalik sobiq hujumchi Alberto Jilardino klubga vaqtinchalik bosh murabbiy etib tayinlandi.

Blessin shu yilning yanvaridan oyidan beri “Jenoa”ni boshqarib kelayotgan edi. Avvalroq u “Leypsig” va Belgiyaning “Ostend” klublarida ishlagan.

Italiya B seriyasining 15-turidan so‘ng “Jenoa” 23 ochko bilan turnir jadvalida 5-o‘rinni egallab turibdi. Genuya shahri jamoasi peshqadam "Frozinone"dan 8 ochko ortda qolmoqda.

Eslatib o‘tamiz, bu klub sharafini hamyurtimiz Eldor Shomurodov 2020/21 yilgi mavsumda himoya qilgan va 32 ta o‘yinda 8 ta gol urib, 2 ta golli uzatma amalga oshirgan.