"Арсенал" ҳужумчиси Габриэль Жезус Қатарда бўлиб ўтаёган жаҳон чемпионатида олган жароҳатидан сўнг операция қилинади. Бу ҳақда The Telegraph нашри хабар бермоқда.
Габриэль Жезуснинг тузалишининг аниқ вақти ҳозирча номаълум. Шу билан бирга, манбанинг қайд этишича, бразилияликнинг жароҳати "Арсенал"ни қишда ҳужумчи излаб трансфер бозорига киришга мажбур қилиши мумкин.
Ўтган йилнинг ёзида Габриэль Жезус "Манчестер Сити"дан "Арсенал"га ўтди. Ўшандан бери бразилиялик футболчи "канонирлар" сафида 20 та расмий ўйин ўтказди. Уларда 5 та гол урди ва жамоадошларига 7 та голли узатмани амалга оширди.
