Нидерландия терма жамоаси бош мураббийи Луи ван Гал Қатарда бўлиб ўтадиган ЖЧ-2022 1/4 финалида Аргентина терма жамоаси билан ўйин олдидан ўз тахминлари билан ўртоқлашди.
Плей-офф ўйини 10 декабрь, шанба куни Тошкент вақти билан соат 00:00да бошланади.
“Биз чорак финалдан қониқиш ҳосил қилмоқчи эмасмиз. Биз жаҳон чемпиони бўлишни хоҳлаймиз. Аргентиналиклар билан ҳисоб-китоб қилишимиз керак. Месси ўйин натижасини мустақил ҳал қила оладиган футболчи. 2014 йилги учрашувда у умуман тўпга тегмаган, аммо пенальтилар сериясида мағлуб бўлгандик. Энди биз Аргентинадан ўч олмоқчимиз", - деди Ван Гал A Bola билан суҳбатда.
