"Бавария" ҳимоячиси Люка Эрнандес тез орада клуби билан янги шартнома бўйича музокараларни давом эттиради, дея хабар беради журналист Фабрицио Романо.
Футболчининг Қатардаги жаҳон чемпионатида олган жароҳати немис жамоасининг француз билан меҳнат шартномасини узайтириш қарорига таъсир қилмади.
22 ноябрь куни ҳимоячи Австралия билан ЖЧ-2022 гуруҳ босқичининг биринчи ўйинида (4:1) ўнг тиззасидан жароҳат олди ва камида олти ойга сафдан чиқди.
26 ёшли французнинг мюнхенликлар клуби билан амалдаги шартномаси 2024 йилнинг ёзига қадар мўлжалланган. Жорий мавсумда Эрнандес Германия чемпионатида 7 та ўйин ўтказди.
