Мадриднинг “Атлетико” клуби ҳужумчиси Маттеус Кунья фаолиятини Англияда давом эттириши мумкин, дея хабар бермоқда журналист Николо Скира.
Манбага кўра, 23 ёшли бразилиялик футболчига "Вулверхэмптон" даъвогарлик қилмоқда. Қайд этилишича, футболчи Премьер-лига клубига ўтишга яқин турибди.
Кунья жорий мавсумда “Атлетико” таркибида 17 та ўйинда майдонга тушиб, 2 та голли узатмани амалга оширди. Transfermarkt портали унинг нархини 20 миллион еврога баҳоламоқда.