Бразилия ва Мадриднинг "Реал" клуби вингери Винисиус Жуниор 8 та асосий болалик орзулари рўйхатини кўрсатди. Қизиғи шундаки, футболчи уларни бир парча қоғозга ёзиб кўйган ва уларни амалга ошириш йўлида тинимсиз меҳнат қилган.
Истаклар рўйхати билан танишинг:
Ўзи севган клубда ўйнаш.
Жаҳон чемпионатида ғалаба қозониш.
Дунёнинг энг катта клубида ўйнаш.
Бразилия терма жамоаси шарафини ҳимоя қилиш.
Болаларга илҳом бериш.
"Эл-класико"да гол уриш.
Чемпионлар лигасида ғалаба қозониш.
Барча бразилияликларни хурсанд қилиш.
Бразилиялик ўз ёзувини “Ҳар доим эсда тутинг: қўрқув шунчаки иллюзия” деган сўзлар билан якунлади.
Таъсирлиси шундаки, Винисиус 22 ёшида ўша 8 орзунинг камида 6 тасига эришди.
Агар шу ой охирида Бразилия жаҳон чемпионатида ғолиб чиқса, рўйхатдаги орзулар тўлиқ ушалган бўлади. Ажойиб!
