Хорватия терма жамоаси ҳужумчиси Бруно Петкович ЖЧ-2022 1/4 финалида Бразилия термасини мағлуб этганидан сўнг журналистлар билан суҳбатлашди.
"Голни қандай урганимни эслолмайман. Туйғуларимни тасвирлашга сўз топа олмаяпман. Бу менинг фаолиятимдаги энг қимматли гол", - деди футболчи Index билан суҳбатда.
Ғалаба эвазига Хорватия терма жамоаси Қатарда ўтаётган жаҳон чемпионатининг ярим финал босқичининг илк иштирокчисига айланди. Златко Далич шогирдлари жаҳон чемпионатининг ярим финалида Нидерландия - Аргентина жуфтлиги ғолиби билан ўйнайди.
