Нидерландия терма жамоаси ҳимоячиси Дензел Думфрис Аргентина терма жамоасига қарши жаҳон чемпионати 1/4 финал учрашувида пенальтилар сериясидан сўнг майдондан четлатилди. Думфрис биринчи сариқ карточкасини пенальтилар сериясида, иккинчисини эса, ғалабани нишонлаётган аргентиналиклар билан жанжаллашиб қолганда олди.
Учрашувнинг асосий ва қўшимча вақти дуранг билан якунланди - 2:2. Аргентина терма жамоаси пенальтилар сериясида 4:3 ҳисобида ғалаба қозонди.
Аргентина терма жамоаси жаҳон чемпионатининг ярим финалида аввалроқ Бразилияни пенальтилар сериясида мағлуб этган Хорватия терма жамоаси билан тўқнаш келади.
