"Лестер" қишки трансферлар ойнаси олдидан ярим ҳимоячи Жеймс Мэддисон учун 60 миллион фунт стерлинг нарх белгилади, дея хабар беради Football Insider.
"Лестер" мавсум ўрталарида ўз юлдузи билан хайрлашмоқчи эмас, айниқса Премьер-лигадан тушиб кетиш зонасига хавфли яқинлигини ҳисобга олсак. Мавсум охирида Мэддисонни сотиш эҳтимоли кўпроқ бўларди, чунки ўшанда Жеймснинг амалдаги шартномасига атиги бир йил қолган бўлади.
25 ёшли англиялик футболчига асосий даъвогарлар "Ньюкасл" ва "Тоттенхэм"дир.
У жорий мавсумда АПЛда 13 та ўйинда майдонга тушиб, 7 та гол урди ва 4 та голли узатмани амалга оширди.
