"Бенфика" ҳужумчи Гонсалу Рамушни 120 миллион еврога сотишга тайёр. Manchester Evening News хабарига кўра, 21 ёшли футболчининг Португалия клуби билан шартномасида айнан шундай миқдорда озод қилиш банди кўрсатилган.
Аввалроқ, "Манчестер Юнайтед" скаутлари Португалия терма жамоаси футболчисини диққат билан кузатишаётгани ҳақида хабар берилганди.
Португалияликнинг "Бенфика" билан амалдаги шартномаси 2026 йилнинг ёзига қадар амал қилади.
Рамуш жорий мавсумда “Бенфика” сафида барча турнирларда 21 та ўйинда майдонга тушиб, 14 та гол урди ва 6 та голли узатмани амалга оширди.
ЖЧ-2022да ҳужумчи 4 та ўйинда 3 та гол урди ва голли узатмани амалга оширди.