"ПСЖ" Дортмунднинг "Боруссия" клуби ярим ҳимоячиси Жуд Беллингемни ўз сафига қўшиб олмоқчи, деб хабар беради El Nacional.
Манбанинг хабарига кўра, француз клуби футболчи учун 120 миллион евро тўлашга тайёр. "ПСЖ" спорт директори Луис Кампос аллақачон немислар раҳбарияти билан музокараларни бошлаб юборган.
Аввалроқ, "Боруссия" футболчи учун камида 150 миллион евро олмоқчи экани хабар қилинганди. Ярим ҳимоячига "Манчестер Юнайтед", "Челси" ва "Ливерпуль" клублари ҳам қизиқиш билдирмоқда.
19 ёшли Беллингем жорий мавсумда “Боруссия” ва Англия терма жамоаси сафида барча турнирларда 32 та ўйинда майдонга тушиб, 10 та гол урди ва 5 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.