"Бавария" Загребнинг "Динамо"си ва Хорватия терма жамоаси дарвозабони Доминик Ливакович трансферини муҳокама қилмаяпти, деб хабар беради Bild.
Олдинроқ инсайдер Николо Скира мюнхенликлар қизиқишлари ҳақида маълум қилганди. "Бавария" дарвозабони Мануэль Нойер оёғини синдириб олди ва мавсумнинг қолган қисмида майдонга туша олмайди.
27 ёшли Ливакович 2022/2023 йилги мавсумда “Динамо” сафида 28 та ўйин ўтказиб, ўз дарвозасидан 35 та гол ўтказиб юборган ва 4 марта ўз дарвозаси дахлсизлигини сақлаб қолган.
Хорватия терма жамоаси Ливакович билан ЖЧ-2022 плей-офф босқичида иккита ўйинда пенальтилар сериясида ғалаба қозонди.