"Барселона" Марокаш ва "Анже" клуби ярим ҳимоячиси Аззедин Унаига қизиқиш билдирмоқда.
Mundo Deportivo хабарига кўра, Каталония клуби қишда ярим ҳимоя марказини кучайтирмоқчи. “Манчестер Сити”дан Бернарду Силва ва Илкай Гюндоган яхши вариантлар эди, аммо молиявий муаммолар туфайли “Барселона” уларнинг бирортасини ҳам қўлга киритишга қурби етмайди.
Шу муносабат билан "кўк-анорранглилар" Марокаш терма жамоаси ярим ҳимоячиси Аззедин Унаига қизиқиш билдиришди. 22 ёшли футболчи Каталония клубини жуда яхши кўради. "Барселона" ҳам трансферга хайрихоҳ, чунки унинг келишуви арзон бўлади. Клуб шунингдек Унаида катта салоҳият бор деб ҳисобламоқда.
"Барселона" жаҳон чемпионатидаги яхши ўйин бошқа клублардан Аззединга қизиқишни кучайтиришини тушунади, аммо қишда уни қўлга киритишга ҳаракат қилади.