"Арсенал" "Атлетико" ва Португалия терма жамоаси ҳужумчиси Жоау Феликсни қўлга киритиш учун курашда пешқадамлик қилмоқда. Бу ҳақда Marca хабар бермоқда.
"Канонирлар" тиззасидан операция қилинган Габриэль Жезусни камида уч ойга йўқотди ва ҳужум чизиғини кучайтириш вариантларини қидирмоқда.
Яқинда "Атлетико" бош директори Гил Марин Феликсга клубни тарк этишга рухсат берди.
2019 йилнинг ёзида "Атлетико" ўша пайтдаги 19 ёшли португалиялик футболчининг трансфери учун "Бенфика"га 127 миллион евро тўлаган эди.
