Марокаш терма жамоаси бош мураббийи Валид Реграги жамоасининг Қатардаги жаҳон чемпионатидаги муваффақияти ҳақида яна бир бор гапирди.
Марокашликлар ярим финалга қадар етиб борган ҳолда жаҳон чемпионатининг асосий сенсациясига айланиб улгурди. Финал йўлланмаси учун курашда Реграги жамоаси амалдаги чемпион – Франция терма жамоасига қарши курашиши керак бўлади.
“Кўплаб футболчиларимиз жароҳат олди, жамоа манфаати учун борларини бердилар, аммо ҳеч ким тўхтамади ва ўзига ачинмади. Биз ақл бовар қилмайдиган кайфиятни қўлга киритишга муваффақ бўлдик ва жаҳон чемпионатининг ярим финалига чиқиш мўжиза эмас, балки машаққатли жамоавий меҳнат натижасидир", - дея мутахассис сўзларини келтиради Le Matin.
