Туриннинг "Ювентус" клуби ярим ҳимоячиси, Қатардаги жаҳон чемпионатини жароҳати туфайли ўтказиб юборган Поль Погба ЖЧ ярим финалида Марокаш билан учрашув олдидан Дидье Дешам шогирдларига мурожаат қилди.
"Йигитлар, мен сизларга бор кучимни бераман. Сиз менинг жамоамсиз", - дейди ярим ҳимоячи.
Франция ва Марокаш учрашуви 14 декабрь куни тунда бўлиб ўтади. Учрашув Тошкент вақти билан соат 00:00да бошланиши режалаштирилган. Ушбу қарама-қаршилик ғолиби финалда Аргентина ёки Хорватия билан ўйнайди.
Жаҳон чемпионатининг финал учрашуви 18 декабрь, якшанба куни бўлиб ўтади.
