Англия премьер-лигасида ўйнаган собиқ футболчи Эммануэль Адебайор жаҳон чемпионати 1/2 финалидан ўрин олган Франция ва Марокаш учрашуви учун ўз тахминини айтди.
«Марокаш жаҳон чемпионатининг ярим финалига чиққан биринчи Африка жамоаси бўлганидан фахрланаман. Улар қатъий ўйнашди, ҳимояда яхшироқ ва кучлироқ эдилар. Барча футболчилар ажойиб иш қилишди.
Франция амалдаги жаҳон чемпиони, аммо уларни кутилмаган ҳодисалар кутмоқда. Марокаш чорак финалда Португалия билан бўлгани каби Францияни 1:0 ҳисобида мағлуб этиши мумкин», — дейди собиқ футболчи.
