Эден Азар Бельгия терма жамоасидаги фаолиятини якунлади ва энди бор эътиборини клуб даражасидаги ўйинларга қаратади.
Январь ойида 32 ёшга тўладиган вингер МЛС клубларидан бирига ўтишни ва «Реал Мадрид»даги ёмон кунларидан сўнг келгуси фаолиятини жонлантиришга ҳаракат қилмоқчи.
Бироқ Эден Азар қишки трансфер ойнасида «Реал»ни тарк этишга тайёр эмас. L’Equipe хабарига кўра, бельгиялик футболчи 2022/2023 йилги мавсумни Мадридда якунлаб, шундан кейингина бошқа клубга ўтишни режалаштирган.
Эслатиб ўтамиз, Эден Азар 2019 йилнинг ёзида «Реал»га ўтган эди. Бироқ, Азар Мадридда ўзи кутганидек қониқарли ўйнай олмади, бунга тез-тез олинган жароҳатлар сабаб бўлди.