"Қўқон-1912" жамоасининг Сербиялик тажрибали ҳимоячиси Иван Йосович келгуси мавсумни бошқа жамоада бошлайдиган бўлди.
"Жамоамиз раҳбарияти легионер ҳимоячи билан ўртадаги шартномани ҳар икки томоннинг розилиги билан бекор қилди. Иван Йосович 3 йил мобайнида “шунқорлар” таркибида ўзининг ишончли ўйини ҳамда юксак инсонийлик фазилатлари билан жамоамиз аъзолари ва мухлисларимиз орасида катта ҳурмат қозонди. Йосович марказий ҳимояда асосий таркибнинг алмаштириб бўлмас футболчисига айланди. Иван стандарт вазиятлардан унумли фойдаланадиган футболчилар сирасига киради. У кўплаб ўйинларда жарима ва бурчак зарбаларидан сўнг жамоамиз учун муҳим голларни киритди.
“Қўқон-1912” жамоаси Иван Йосович билан дўстона хайрлашди. Биз Йосовичга келгуси фаолиятида улкан зафарлар тилаймиз. Умид қиламизки жамоамиз суперлигага қайтгач Иван Йосович ҳам яна жамоамиз сафига қайтади" - дейилади "Қўқон-1912" жамоаси расмий баёнотида.
