"Qo‘qon-1912" jamoasining Serbiyalik tajribali himoyachisi Ivan Yosovich kelgusi mavsumni boshqa jamoada boshlaydigan bo‘ldi.
"Jamoamiz rahbariyati legioner himoyachi bilan o‘rtadagi shartnomani har ikki tomonning roziligi bilan bekor qildi. Ivan Yosovich 3 yil mobaynida “shunqorlar” tarkibida o‘zining ishonchli o‘yini hamda yuksak insoniylik fazilatlari bilan jamoamiz a’zolari va muxlislarimiz orasida katta hurmat qozondi. Yosovich markaziy himoyada asosiy tarkibning almashtirib bo‘lmas futbolchisiga aylandi. Ivan standart vaziyatlardan unumli foydalanadigan futbolchilar sirasiga kiradi. U ko‘plab o‘yinlarda jarima va burchak zarbalaridan so‘ng jamoamiz uchun muhim gollarni kiritdi.
“Qo‘qon-1912” jamoasi Ivan Yosovich bilan do‘stona xayrlashdi. Biz Yosovichga kelgusi faoliyatida ulkan zafarlar tilaymiz. Umid qilamizki jamoamiz superligaga qaytgach Ivan Yosovich ham yana jamoamiz safiga qaytadi" - deyiladi "Qo‘qon-1912" jamoasi rasmiy bayonotida.
