Аргентина терма жамоаси ва Испаниянинг “Севилья” клуби вингери Алехандро Гомес яқин орада клубини ўзгартириш эҳтимоли юқори.
34 ёшли футболчи "Севилья"да унчалик муваффақиятли мавсум ўтказмаяпти, Қатарда бўлиб ўтаётган жаҳон чемпионати вақтида эса терма жамоанинг асосий таркибидаги ўрнини ҳам йўқотди.
Relevo нашри хабарига кўра, МЛС вакиллари Гомесга қизиқиш билдирмоқда, собиқ "Аталанта" юлдузининг Саудия Арабистонидан жамоага ўтиш ва ватанига қайтиш вариантлари ҳам бор, бироқ охирги вариантнинг эҳтимоли кам деб ҳисобланмоқда.
Жорий мавсумда Алехандро Гомес “Севилья” сафида 19 та ўйинда майдонга тушиб, 2 та голга ассистентлик қилди.
