Adidas Лионель Мессининг футболкаларига бўлган талабни қондира олмаяпти.

Marca нашрининг ёзишича, немис спорт кийимлари ишлаб чиқарувчиси бутун дунё бўйлаб ва барча ўлчамлар тоифаларида 10-рақамли Аргентина формаларининг танқислигига дуч келмоқда.

Компания маҳсулотлар жуда яхши сотилишини тахмин қилган, аммо талаб дўконларда бунчалик ошиб кетишини кутмаган.

Adidas якшанба куни Жанубий Америка жамоаси ЖЧ-2022 финалида ғалаба қозонган тақдирда, савдо нуқталарини форма билан таъминлаш мақсадида бу масалани кўриб чиқмоқда.

Бироқ, ҳозирги тақчиллик, бошқа нарсалар қатори, Аргентина футбол ассоциациясига маълум бўлган қалбаки футболкаларни ишлаб чиқариш ва сотишга олиб келди.