"Ноттингем Форест" ярим ҳимоячиси Жесси Лингард жамоасининг "Олд Траффорд"да "Манчестер Юнайтед"га қарши бўлиб ўтадиган учрашувидан аввалги фикрлари билан ўртоқлашди.

Эслатиб ўтамиз, англиялик футболчи "қизил иблислар"ни шу йилнинг ёзида тарк этган ва эркин агент сифатида "ўрмончилар" сафига ўтган эди.

"Олд Траффорд"га қайтишни интиқлик билан кутяпман. Мен у ерга жамоамнинг ғалабасига ёрдам бериш учун бораман. Бу мен учун жуда ҳиссий лаҳза бўлади, лекин бизда қиладиган иш бор. Ўйиндан сўнг баъзи одамлар билан учрашишни интиқлик билан кутяпман, лекин биринчи навбатда ғалаба қозонишимиз керак", - деди Лингард Utd Plug билан суҳбатда.