"Челси" "Ювентус" ва Сербия терма жамоаси ҳужумчиси Душан Влаҳовичга қизиқиш билдирмоқда, деб хабар беради Cаlciomercato.
Манба берган хабарга кўра, айни дамда янги ҳужумчи қидиришда фаол иштирок этаётган Лондон клуби Влаҳович учун тахминан 100 миллион евро тўлашга тайёр.
Аввалроқ, 22 ёшли ҳужумчи хизматларига "Арсенал" ва "Манчестер Юнайтед" клублари ҳам қизиқиш билдираётгани ҳақида хабар берилганди.
Сербиялик ҳужумчи жорий мавсумда “Ювентус” сафида 15 та ўйинда майдонга тушиб, 7 та гол урди ва 2 та голли узатмани амалга оширди.