"Chelsi" "Yuventus" va Serbiya terma jamoasi hujumchisi Dushan Vlahovichga qiziqish bildirmoqda, deb xabar beradi Calciomercato.
Manba bergan xabarga ko‘ra, ayni damda yangi hujumchi qidirishda faol ishtirok etayotgan London klubi Vlahovich uchun taxminan 100 million yevro to‘lashga tayyor.
Avvalroq, 22 yoshli hujumchi xizmatlariga "Arsenal" va "Manchester Yunayted" klublari ham qiziqish bildirayotgani haqida xabar berilgandi.
Serbiyalik hujumchi joriy mavsumda “Yuventus” safida 15 ta o‘yinda maydonga tushib, 7 ta gol urdi va 2 ta golli uzatmani amalga oshirdi.