"Куинз Парк Рейнжерс" клуби раҳбарияти Лондоннинг "Арсенал" клуби ва Россия термаси ҳужумчиси Андрей Аршавинни сотиб олишни кўзлаяпти, дея хабар беради Британия матбуоти. Ҳозирча бу хабар расман тасдиқланмаган.
Эслатиб ўтамиз, "канонирлар" раҳбарияти жамоа асосий таркибига қўшила олмаётган россиялик футболчини сотиб юборилишига қарши эмас.
Аввалроқ Аршавинга "Рединг", "Галатасарой", "Фулҳем" ва Яқин Шарқнинг бир қатор клублари қизиқаётганликлари тўғрисида хабарлар тарқалган эди. Бундан ташқари "Зенит" ҳам собиқ футболчисини ортга қайтариш ҳақида ўйламоқда.
