Мадриднинг “Реал” клуби ҳужумчиси Карим Бензема Франция терма жамоасидаги фаолиятини якунлаганини маълум қилди.
Бу ҳақда 35 ёшли футболчи ижтимоий тармоқларида ёзган.
“Мен кўп куч сарфладим, йўлда хатоларга йўл қўйдим. Лекин мен эришган нарсамдан фахрланаман. Мен ҳикоямни ёздим. Ва энди бу ўз ниҳоясига етди”, - деб ёзди Бензема.
Бензема Франция терма жамоаси сафида 97та ўйинда майдонга тушиб, 37та гол урган. У терма жамоа таркибида 2022 йилги жаҳон чемпионатининг кумуш медали соҳиби ва 2021 йилги Миллатлар лигаси ғолибига айланди.
2015 йилда Бензема жамоадошини шантаж қилиш билан боғлиқ можаро туфайли терма жамоадан четлатилган эди. У терма жамоага фақат 2021 йилда қайтган.
