Мадриднинг “Реал” клуби ҳужумчиси Карим Бензема Франция терма жамоасида ҳали ҳам ўйнаши мумкин.
34 ёшли футболчи яқинда терма жамоадаги фаолиятини якунлаганини маълум қилди. Бу қарорнинг асосий сабаби, кўпчилик тахмин қилганидек, терма жамоа ходимлари, жумладан Дидье Дешам билан зиддиятдир. “Уч ранглилар” бош мураббийи Бенземани уйига қайтишга мажбур қилди, аммо ҳужумчининг ўзи турнир давомида тузалиб, сафга қайтишга улгуришига ишонди.
Foot Mercato хабарига кўра, "Олтин тўп" соҳиби, агар терма жамоани Зинедин Зидан бошқарадиган бўлса, уни тарк этиш масаласини қайта кўриб чиқиши мумкин.
