Бразилиянинг "Байя" клуби "Манчестер Сити" ҳужумчиси Кайкини ижарага олди, дея хабар беради журналист Фабрицио Романо.
Шартнома шартларига аниқлик киритилмаган, бироқ манбанинг таъкидлашича, 19 ёшли бразилиялик аллақачон тиббий кўрикдан ўтган.
2022 йилнинг август ойидан бери Кайки Португалиянинг “Пасуш де Феррейра” клубида ижара асосида ҳаракат қилаётган эди, у жамоа сафида 9 та ўйинда қатнашди ва гол ура олмади. Шартнома муддатидан олдин бекор қилинади.
"Манчестер Сити" 2021 йилнинг августида Кайкини "Флуминенсе"дан 10 миллион еврога сотиб олганди. Шундан буён у “шаҳарликлар”нинг асосий таркибининг 2 та учрашувида қатнашиб, самарали ҳаракатлари билан ажралиб турмади.
