"Арсенал" Мёнхенгладбахнинг "Боруссия" клуби ва Франция ҳужумчиси Маркус Тюрамни ўз сафига қўшиб олиши мумкин, дея хабар бермоқда Goal Bild нашрига таяниб.

Қайд этилишича, немислар жаҳон чемпионати кумуш медали совриндори учун “канонирлар”дан 12 миллион евро талаб қилади. Кичик миқдор Тюрамнинг “Боруссия” билан шартномаси келаси йил ёзида тугаши билан боғлиқ, немис клуби футболчини июнь ойида текинга қўйиб юборишдан кўра, ҳозирча пул олишни афзал кўрмоқда.

Лондонликлар бош мураббийи Микель Артета франциялик футболчини жароҳат олган ҳужумчи Габриэл Жезуснинг ўрнига идеал ўринбосар деб ҳисоблайди.

Франция терма жамоаси таркибида Тюрам Қатарда бўлиб ўтган жаҳон чемпионати финалига қадар етиб борган ва унда жамоаси Аргентинага имкониятни бой берган (3:3, 2:4 пенальтилар.). Турнирнинг бешта учрашувида форвард иккита голли узатмани амалга оширди.