Дортмунднинг "Боруссия" клуби ҳужумчиси Себастьян Аллер январ ойида машғулотларга қайтиши мумкин, дея хабар беради Германия матбуоти.
Аллер июл ойида "Аякс"дан Дортмунднинг "Боруссия"сига ўтган эди. Кўп ўтмай, футболчига саратон ташхиси қўйилди. Ивуарлик икки марта операция қилинган ва кимётерапиядан ўтган.
2021/22 йилги мавсумда Аллер 21 та гол уриб, Нидерландия чемпионатининг энг яхши тўпурари бўлди, Чемпионлар лигасида эса 11 та гол уриб, турнир тўпурарлари рўйхатида учинчи ўринни эгаллади.