Криштиану Роналду яқин кунларда “Ан-Наср” билан шартнома имзолаши мумкин. Оммавий ахборот воситаларида биринчи марта тарқалиб кетган маълумотни бошқа манба - Foot Mercato тасдиқламоқда. Манбанинг хабарига кўра, Роналду яқин кунлар ичида Саудия Арабистони жамоаси билан шартнома имзолайди.
Нашрнинг ёзишича, Роналду дастлаб Саудия Арабистонига боришни истамаган. Португалиялик футболчи Европада таклиф олишга умид қилган. Бироқ сўнгги ҳафталарда Роналду Европа клубларидан, хусусан, "Челси" ва "Спортинг"дан ҳеч қандай таклиф олмаган. Натижада, Роналду фикрини ўзгартирди ва Саудия Арабистони чемпионатига йўл олишга рози бўлди.
