Журналист Фабрицио Романонинг хабар беришича, Мексика терма жамоаси дарвозабони Гильермо Очоа 22 декабрь куни "Салернитана"га ўтади.
Пайшанба куни 37 ёшли мексикалик янги клуби билан шартнома имзолаш учун Италияга учиб кетиши керак.
Очоа эркин агент сифатида "Салернитана"га ўтади, унинг шартномаси 2022/23 йилги мавсум охиригача амал қилади.
Сўнгги ЖЧ-2022да Очоа Мексика терма жамоаси сафида 3 та ўйин ўтказиб, 3 та гол ўтказиб юборган.