"Милан" ярим ҳимоячиси Темуе Бакайоко фаолиятини Туркия чемпионатида давом эттириши мумкин, дея хабар беради журналист Николо Скира.
Манба берган хабарга кўра, футболчига аввалроқ "Адана Демирспор" клуби қизиқмоқда.
Бакайоко 2021 йилнинг июнидан бери "Челси"дан ижара асосида "Милан"да ўйнамоқда, келишув 2023 йилнинг июнигача амал қилади. Жорий мавсумда 28 ёшли франциялик футболчи итальян клубида бирорта баҳсда ҳаракат қилмаган, у январь ойи бошида жамоани тарк этиши мумкин.
Transfermarkt.com Бакайоконинг нархини 4 миллион еврога баҳоламоқда.