"Манчестер Сити" ва Бельгия терма жамоаси ярим ҳимоячиси Кевин де Брюйне Қатарда бўлиб ўтган жаҳон чемпионати ва клуб даражасидаги футболнинг қайтиши ҳақида гапириб, журналистлар билан мулоқот қилишдан бош тортмади.
“Жаҳон чемпионатида омадсизликка учрадик. Олдинги турнирлар биз учун муваффақиятли бўлган, аммо ЖЧ-2022ни улар билан тенглаштириш мутлақо мумкин эмас.
Ҳозир бор этиборимни "Манчестер Сити"га қаратганман. Умид қиламанки, биз танаффусгача бўлган руҳда давом этамиз ва кейин чемпионлик учун курашиш учун яхши имкониятга эга бўламиз", - деди 31 ёшли ярим ҳимоячи.
Эртага, 22 декабр куни Хосеп Гвардиола шогирдлари Лига кубоги доирасида "Ливерпуль"га қарши баҳс олиб боради.
