Аргентина терма жамоаси қанот ҳужумчиси Анхель Ди Мария Франция терма жамоаси билан бўлиб ўтган ЖЧ-2022 финал учрашуви олдидан рафиқасига хат ёзган.
“Мен жаҳон чемпиони бўламан, севгилим. Бу аниқ. Мен гол ураман. Боринг ва эртанги ўйиндан завқланинг, чунки биз чемпион бўламиз. Чунки биз ва оиламиз бунга лойиқмиз”, деб ёзган Анхель рафиқасига.
18 декабрь куни Қатарда жаҳон чемпионатининг финал учрашуви бўлиб ўтди ва унда Аргентина терма жамоаси Францияни пенальтилар сериясида мағлуб этди. Учрашувнинг асосий вақти 2:2 ҳисобида якунланган бўлса, қўшимча бўлимларда жамоалар биттадан гол уришди ва пенальтилар сериясида ғолиб номи аниқланди – 4:2.
