Кеча Лондон Олимпиадасининг аёллар ўртасидаги футбол мусобақаларининг ярим финал учрашуари бўлиб ўтди ва биз мусобақа ғолиблиги учун баҳс олиб борадиган икки терма жамоанинг номини билиб олдик.

Эътиборлиси, сўнгги жаҳон чемпионати финалида ҳам бир бири билан ўйнаган Япония ҳамда АҚШ терма жамоалари Олимпиада чемпионлиги учун ҳам ўзаро баҳс юритишади.

Япония терма жамоаси ярим финалда Франция терма жамоаси устидан 2:1 ҳисобида ғалаба қозониб илк финалчи бўлган бўлсалар, АҚШ термаси Канада терма жамоаси билан ўйинда жуда қийинчилик билан, фақатгина қўшимча вақтдагина ғалабани илиб кетишди - 4:3. Эътибролиси, америкалик қизлар ўйин пайтида уч маротаба ҳисобда ортда қолаётганларига қарамай, ажойиб ирода кўрсатиб, ғалабани тантана қилишди.

Финал ҳамда учинчи ўрин учун баҳслар 9-август куни бўлиб ўтади.