"Манчестер Сити" бош мураббийи Пеп Гвардиола клуб билан шартномасини нафақат Чемпионлар лигасида ғалаба қозониш учун узайтирганини айтди.

Гвардиоланинг амалдаги шартномаси 2025 йилнинг ёзига қадар амал қилади.

"Тан оламан, бу бизга керак бўлган соврин ва Чемпионлар лигасида ғолиб чиқмагунимизча бу ердаги даврим тугамайди. Лекин шартномамни узайтиришимнинг ягона сабаби бу эмас. Агар охирги 11 ой давомида Чемпионлар лигасида ўйнамаган бўлсак ҳам, клубни тарк этмасдим. Аммо, қандайдир тарзда, бизга бу кубок керак ва биз уни қўлга киритишга ҳаракат қиламиз", - дея Гвардиоланинг сўзларини келтиради Football Daily.

Чемпионлар лигасида "Манчестер Сити" "Лейпциг" билан турнирнинг 1/8 финалида ўйнайди. Биринчи учрашув 22 февраль куни Германияда, жавоб учрашуви 14 март куни Англияда бўлиб ўтади.