Лангар билан баландликка сакраш бўйича Лондон Олимпиадаси бронза медали соҳибаси Россиялик Елена Исинбаеванинг айтишича, яқин ўн йил ичида унинг рекордини ҳеч ким янгилай олмас экан.
"Биз мураббийим Евгений Трофимов билан 2005 йилдаги сакраш даражамни қайтара олдик. Менинг сакрашларим парвознинг ўзи, худди қанот чиқаргандай бўламан. Шунчаки, кеча об-ҳаво менинг қанотларимни намлаб қўйди, мен уча олмадим.
Кимдир мен ўрнатган рекордни янгилаши ҳақида қайғурмайман. Менинг рекордим абадий. Мен тенги қизлар учун бу ўтиб бўлмасдир. Камида 10 йил ичида ҳеч ким ундан ўта олмайди. Фақатгина антиқалар шундай баландликни забт этадилар, мен эса антиқаман. Шунинг учун мен бунинг уддасидан чиқа оламан", - дея Исинбаеванинг сўзларини келтиради "Р-Спорт".
Эслатиб ўтамиз, 2009 йилнинг 28 августида Цюрих шаҳрида "Олтин лига" мусобақасининг 5-босқичида Исинбаева 27-жаҳон рекордини ўрнатган эди - 5,06 метр.
