Мадриднинг "Реал" клуби раҳбарлари бельгиялик ярим ҳимоячи Эден Азар учун ҳали янги жамоа топа олишмаяпти.
Ok Diario нашри хабарига кўра, Мадрид клуби 31 ёшли бельгиялик футболчининг трансфери бўйича ҳозирча ҳеч қандай таклиф олгани йўқ. Қолаверса, "қаймоқранглилар" ҳали Азарни ижарага бериш вариантини ҳам топа олмаяпти, чунки ҳеч бир жамоага ярим ҳимоячи керак эмас.
Эслатиб ўтамиз, бельгиялик футболчининг “Реал” билан амалдаги шартномаси 2024 йилнинг ёзига қадар тузилган.
Жорий мавсумда Эден Азар "қироллик клуби" таркибида Испания чемпионатида атиги учта ўйин ўтказди.
