"Рома" устози Жозе Моуриньо Бразилия терма жамоаси бош мураббийлиги учун яна бир даъвогарга айланди, деб хабар беради La Republicca.

Португалиялик мутахассис Титенинг ўрнини эгаллаши мумкин бўлган номзодлардан бири саналади.

Яқин орада маҳаллий федерация вакиллари Моуриньо билан боғланиши кутилмоқда. Президент Эдналдо Родригес таниқли халқаро воситачига Жозе билан мулоқот бошлаш вазифасини топшириб, музокараларни шахсан ўз зиммасига олишга қарор қилди. Унинг агент Хорхе Мендеш билан яхши алоқалари борлиги айтилади.

Аввалроқ, Португалия терма жамоасидан Моуриньога қизиқиш билдирилаётгани ҳақида маълумотлар пайдо бўлганди. Мураббийнинг ўзи "Рома"даги вазиятдан унчалик мамнун эмас - унга молиявий фейр-плей қоидалари туфайли ресурслар чеклангани ҳақида маълум қилишди.

Римликлар билан амалдаги шартнома 2024 йилгача мўлжалланган.