Ҳужумкор ярим ҳимоячи Анхель ди Мария Аргентина терма жамоасидаги фаолиятини давом эттиришга қарор қилди. Бу ҳақда журналист Гастон Эдуль ижтимоий тармоқларда маълум қилди.
Манба берган хабарга кўра, 34 ёшли вингерга 2022 йилги жаҳон чемпионатидаги ғалабалар туртки бўлган. Францияга қарши финал учрашувида ди Мария гол урди, Аргентина эса пенальтилар сериясида «уч ранглилар»ни мағлуб этган - 4:2.
Лионель Месси турнирнинг энг яхши футболчиси деб топилди. Бу Аргентина учун 1986 йилдан бери биринчи ғолиблик ҳисобланади.













