Лиссабоннинг "Спортинг" клуби собиқ футболчиси Мариус Никулаэ португалиялик ҳужумчи Криштиану Роналду фаолиятининг бошида юз берган воқеани айтди.
"Роналду хушмуомала эмас эди. Биз уни столимизга ўтиришга кўндиришимиз керак эди, у биз билан овқатланмади. Роналду ўз дунёсида эди. Криштиану спорт залига ҳам ёлғиз ўзи борарди. Баъзида машғулотдан сўнг бутун жамоа қаёққадир кетган, аммо Роналду ҳар доим жамоа билан бирга боришни рад этган.
У яна қаерда ўйнаши мумкин? Кўрдимки, уни "Ан-Наср" ва АҚШга таклиф қилмоқчи. Ўйлайманки, Роналду ўзини Голливудга бағишлашга қарши бўлмайди", — деди собиқ футболчи Digi Sport билан суҳбатда.
37 ёшли Роналду ҳозирда эркин агент ҳисобланади. Унинг сўнгги клуби "Манчестер Юнайтед" эди.
