Криштиану Роналду "Ан-Наср" клубига ўтишга яқин турибди.
CBS Sports нашри хабарига кўра, клуб футболчининг тиббий кўрикдан ўтиш санасини аллақачон белгилаб қўйган. Шунингдек, португалиялик футболчи ва унинг вакиллари учун турар жой ажратилган.
Саудияликлар қишки трансфер ойнаси очилиши билан барча расмиятчиликларни ҳал қилишга умид қилмоқда. Маълум қилинишича, шартноманинг умумий шартлари аллақачон келишиб бўлинган, энди гап футболчининг ўзида қолади, у шартнома имзолаш ёки имзоламаслик масаласини ҳал қилиши керак.
Хабар қилинишича, ҳужумчининг Саудия клуби билан шартномаси 2025 йилгача ҳисоблаб чиқилади ва унинг даромади йилига 200 миллион еврони ташкил қилади.
Эслатиб ўтамиз, 37 ёшли футболчи "Манчестер Юнайтед" билан шартнома бекор қилинганидан кейин эркин агент мақомида.
