Krishtianu Ronaldu "An-Nasr" klubiga o‘tishga yaqin turibdi.
CBS Sports nashri xabariga ko‘ra, klub futbolchining tibbiy ko‘rikdan o‘tish sanasini allaqachon belgilab qo‘ygan. Shuningdek, portugaliyalik futbolchi va uning vakillari uchun turar joy ajratilgan.
Saudiyaliklar qishki transfer oynasi ochilishi bilan barcha rasmiyatchiliklarni hal qilishga umid qilmoqda. Ma’lum qilinishicha, shartnomaning umumiy shartlari allaqachon kelishib bo‘lingan, endi gap futbolchining o‘zida qoladi, u shartnoma imzolash yoki imzolamaslik masalasini hal qilishi kerak.
Xabar qilinishicha, hujumchining Saudiya klubi bilan shartnomasi 2025 yilgacha hisoblab chiqiladi va uning daromadi yiliga 200 million yevroni tashkil qiladi.
Eslatib o‘tamiz, 37 yoshli futbolchi "Manchester Yunayted" bilan shartnoma bekor qilinganidan keyin erkin agent maqomida.
