“Ливерпул”нинг германиялик мураббийи Юрген Клопп журналистлар билан уругвайлик ҳужумчи Дарвин Нуньеснинг унчалик зўр бўлмаган ўйини ҳақида фикр билдирди.
Клоппнинг айтишича, Нуньес ҳали ҳам мерсисайдликлар жамоасига кўп нарса беради, чунки уругвайлик ҳимоячиларни ўзига жалб қилади ва жамоадошларига жой бўшатади.
"Менда ташвишланадиган ҳеч нарса йўқ", - дея қўшимча қилди Клопп.
"Астон Вилла" билан ўйинда Нуньес тўртта голли вазиятни голга айлантира олмади ва Премьер-лигада мавсумнинг антирекордини ўрнатди. Натижада мерсисайдликлар 3:1 ҳисобида ғалаба қозонишди, аммо уругвайлик майдонни голсиз тарк этди.
