"Интер"нинг 32 ёшли дарвозабони фаолиятини "Тоттенҳэм"да давом эттириши мумкин.
Маълум бўлишича, ушбу ҳафтада "Шпорлар" бош мураббийи Андре Виллаш-Боаш Сезарнинг агенти билан учрашиб, трансфер масаласини муҳокама қилган, дея хабар беради The Guardian.
Нашрнинг хабар бериича, Виллаш-Боаш бразилиялик дарвозабонни танлашига, "Лион" клубининг дарвозабон Уго Льорис учун жуда катта пул талаб қилингани сабаб бўлди.
Келишувга "Тоттенҳем" ўзининг заҳира дарвозабони Эурелио Гомесни ҳам аралаштирмоқчи, Сезар "Тоттенҳэм"га ўтадиган бўлса, Гомес "Интер"га ижарага берилиши мумкин.
Эслатиб ўтамиз, "Интер" клуби Сезарни Европа лигаси ўйинларига заявка қилмаган, клубдагилар ёшроқ посбон Самир Хандановичга ишонч билдиришган.
Аввалроқ Жулио Сезарга "Арсенал" ва "Палмейрас" клублари ҳам қизиқиш билдирган эди.
