"Манчестер Сити" бош мураббийи Хосеп Гвардиола афсонавий бразилиялик ҳужумчи Пеленинг вафоти муносабати билан ҳамдардлик билдирди.
"Мен бутун "Манчестер Сити" номидан Пеленинг оила аъзолари ва дўстларига самимий ҳамдардлик билдирмоқчиман... Менимча, Неймар бу ҳақда яхши гапирди. Пелегача ўнинчи рақам шунчаки рақам эди, ундан кейин эса ўзгача нарсага айланди... Унинг футбол учун қилган ишлари бизда абадий қолади", - дея Гвардиоланинг сўзларини келтиради "Манчестер Сити" матбуот хизмати.
Эслатиб ўтамиз, Пеледа саратон касаллиги 2021 йилнинг кузида аниқланган, шундан сўнг бразилиялик кимётерапиядан ўтган, бироқ кейинчалик организм бунга жавоб беришни тўхтатган.
Аввалроқ, уч карра жаҳон чемпионининг аҳволи сезиларли даражада ёмонлашгани, яқинлари у билан хайрлаша бошлагани ҳақида маълумотлар пайдо бўлганди. 29 декабрь куни афсонавий бразилиялик футболчи 82 ёшида вафот этди.
