Англияда миллий чемпионат ўйинлари давом эттирилди, ўн саккизинчи турда «Ливерпуль» «Лестер» билан куч синашиб, катта қийинчилик билан ғалаба қозонди – 2:1.
Жаҳон чемпионатида иштирок этган «Ливерпуль» ҳимоячиси Виржил ван Дейкнинг фикрича, унинг жамоаси ўртамиёна ўйнади, аммо шунга қарамай уч очкони қўлга киритди.
«Ўйлашимча, кўп жиҳатдан биз бугун унчалик яхши эмасдик. Мен жуда ёмон баҳоламаган бўлардим, лекин уч очкони олиш муҳим эди.
Биз ўйинни назорат қилишга ҳаракат қилдик, лекин бу ҳар доим ҳам иш бермади. Ғалаба қозонганимиз яхши, лекин яқин келажакда нимадирлар устида ишлаш керак», деди ван Дейк.